- Alborecemos ente’l borrín y la nublina con unes temperatures que tan alrodiu de los 15ºC, rexistrándose nel puirtu Payares 11,1ºC.
- Güei una vegada más dirán dixebrándose los borrinos y nublines del alborecer pa quedar el cielu poco nuboso o escampláu con unes temperatures que van camudar poco, calteniéndose un ambiente mui seliquino.
- Mañana vienres los borrinos y nublines del alborecer van dixebrase primeru y mos quedará un día escampláu y soleyeru antes del mediudía con unes temperatures n’ascensu.
- El sábadu va empuercase’l cielu de nubes altes y medies entemecies ente dellos claros con sensación de chornu yá que les temperatures siguen subiendo con másimes perriba de los 25ºC en munches zones d’Asturies, nun sedrá hasta’l domingu cuando baxarán dalgo les temperatures ya tendremos precipitaciones al pasu d’un frente poco activu.
