- Alborecemos con nubes ya claros o abancios ya con unes temperatures que tan alrodiu de los 14ºC, rexistrándose nel puirtu Payares 7,4ºC.
- Güei vamos tener intervalos nubosos entemecios ente dellos claros y nun sedrá hasta’l finar el día cuando surda de nuevu la lluvia, amás de forma abondosa con unes temperatures en descensu pero entovía con másimes perriba de los 20ºC. L’aire sedrá gallegu y va soplar con raches fuertes nel llitoral y zones altes.
- Mañana martes vamos seguir col aire gallegu que se fadrá notar sobre too na costa y zones altes, nel cielu tendremos escasa nubosidá y les temperatures subirán un par de graos, sicasí al atapecer aumentarán dalgo les nubes y podríen dexar dalguna gotera.
- El miércoles vamos tener el cielu empuercáu de nubes medies y altes pero lo más destacáu va ser el vientu gallegu que dirá coyendo entovía más fuercia y soplará con raches mui fuertes en puntos del llitoral y cordelera.
- El xueves ye probable que mos afeute un ríu d’humedá ya tengamos precipitaciones abondoses pero esto yá lu diremos viendo.
