Esperamos una xornada na que la nubosidá va concentrase especialmente tantu nel occidente como nel cordal y otros puntos de la metá sur asturiana. Nel restu preven nubes y escamplaes con momentos de más claros que nubes. Asina tou, mientres el tramu final del día y por cuenta de la llegada d’un frente templáu, vamos reparar como va entrar nubosidá pel oeste y va estendese al restu de la rexón con agües que podríen afectar a cualquier puntu del Principáu. Los vientos van predominar de suroeste-sur con raches moderaes mientres tola xornada y con posibilidá de que puedan aportar a fuertes en puntos del occidente y zones d’altu monte. Les temperatures máximes van baxar de forma xeneralizada ente 3 y 4 ºC na mayoría de poblaciones asturianes. Les mínimes van baxar nel interior oriental y van caltenese nel restu.
El martes esperamos l’apertura de grandes claros anque siempres se preve daqué más de nubes, nuevamente, nel oeste y sur. Les temperatures van xubir tanto les máximes como les mínimes. Ambiente prestoso tamién pal miércoles, pero’l xueves va entrar un frente fríu que va percorrer tola Comunidá Autónoma.
