Vamos ver como’l panorama meteorolóxicu dirá estabilizándose. Entá pela mañana prevense precipitaciones que van entrar pola mariña y van acabar afectando tamién al interior. Pero, a lo llargo de la tarde, claramente la probabilidá d’agües va baxar. Pela mañana los cielos van tar bien nublos pero, mientres la segunda metá del domingu, la nubosidá va ser cada vez menos compacta hasta poder inclusive quedar poco nublu’l cielu. Los vientos van ser fluexos predominando de norte. Les temperatures máximes van baxar escontra l’oriente y van caltenese ensin cambeos respecto al sábadu. Les mínimes, pela so parte, van baxar llixeramente en tola rexón rexistrándose a última hora.
El llunes vamos empecipiar la última selmana d’ochobre con un día soleyeru prácticamente en tola Comunidá Autónoma dende primer hasta última hora. Los vientos van siguir siendo fluexos y les temperatures volverán recuperase cuidao que van xubir hasta 5 o 6 ºC nel cordal y hasta 3 o 4 ºC nel restu d’Asturies. Eso sí, les temperatures mínimes volverán baxar.
