- Alborecemos col cielu nuboso ya col aire ábrigu que por mor del efeutu foehn fae que se disparen les temperatures en superficie, tando alrodiu de los 20ºC, rexistrándose nel puirtu Payares 9,8ºC.
- Güei va cruzanos un frente que mos dexará precipitaciones al so pasu anque nun sedrán nin abondoses, nin xeneralizaes, siendo más probables na fastera surocidental y cordelera, nel restu sedrán febles ya disperses. Seguiremos con vientu ábrigu polo que les temperatures seguirán siendo mui altes.
- Mañana xueves refrescará dalgo cola entrada de vientu gallegu y el cielu va tar mui nuboso pela mañana cola apertura de dellos claros o abancios pela tarde. Lo más destacáu sedrá l’aire gallegu que pue soplar con raches fuertes nes zones espuestes.
- El vienres si que paez que va llover en forma ya tendremos un día pasáu per agua con unes temperatures en descensu que mos dexarán un ambiente más normalizáu.
- La fin de selmana presentase seliquina y soleyera pero esto yá lu diremos viendo.
