Asina foi la nacencia del primer rinoceronte blancu en Bioparc Valencia que tardó 18 años en producise. Semeya: La rinoceronta Kwanza cola so cria. Bioparc “Tenemos un rinoceronte”, esti berru d’allegría, siguíu d’abrazos (y delles llárimes) del equipu técnicu de BIOPARC Valencia marca un finxu nesti parque de naturaleza.
El martes pela tarde, nel 491 día de xestación, BIOPARC Valencia vivió con tola emoción y “en directu”, la nacencia del primer rinoceronte blancu (Ceratotherium simum simum). Un acontecimientu que representa la esperanza para esta especie en peligru d’estinción pola bederre caza furtiva para cortar l’acobiciáu cuernu. Y un ésitu para tol personal que mientres 18 años ta trabayando y aplicando toos les conocencies científiques y la so esperiencia nel Programa Internacional de Caltenimientu d’esta especie nel que participa’l parque d’animales.
