- Alborecemos col cielu nuboso y delles precipitaciones na fastera ocidental con unes temperatures que tan alrodiu de los 11ºC, rexistrándose nel puirtu Payares 2,9ºC.
- Güei vamos tener xarabatos intermitentes durante tol día que puen ser moderaos y tener calter tormentosu nel llitoral con unes temperatures en descensu, más acusáu al escurecer, cuando pue nevar nes cumes más altes de la cordelera, amás l’aire de componente noroeste pue soplar con raches fuertes na costa y zones altes.
- Mañana sábadu camudu radical de tiempu col cielu poco nuboso o escampláu anque les temperatures seguirán siendo fresques, surdiendo dalgún intervalu nuboso pela tarde. L’aire del noroeste tenderá amenorgar.
- El domingu, dempués d’un alborecer fríu, vamos tener un aumentu de la nubosidá, quedando’l cielu nuble pela tarde cuando nun se descarta dalguna gotera dispersa con unes temperatures que van camudar poco, calteniéndose un ambiente fresco.
