- Alborecemos col cielu nuboso ya con unes temperatures que tan alrodiu de los 11ºC, rexistrándose nel puirtu Payares 4,2ºC.
- Güei vamos tener el cielu empuercáu de nubes medies y altes, siendo más abondoses les nubes na fastera surocidental d’Asturies onde nun se decarta dalguna gotera con unes temperatures n’ascensu ya col aire que sedrá sele ya variable.
- Mañana martes vamos tener un día mui asemeyáu, sicasí dirá ganando fuercia l’aire ábrigu y les temperatures seguirán n’ascensu.
- El miércoles vamos seguir baxo la influencia del vientu ábrigu que va soplar con raches fuertes en zones altes de montaña.
- El xueves surdierán delles precipitaciones pero l’aire ábrigu fadrá que tengamos l’efeutu foehn sobre Asturies al pasu d’esti pela cordelera y suban entovía más les temperatures.
- Paez que la fin de selmana sedrá dalgo inestable y les temperatures tenderán a descender pero esto yá lu diremos viendo.
