La ciencia ye una de les ferramientes más poderoses creaes pol ser humanu. Déxanos entender el mundu, ameyorar la nuesa calidá de vida y buscar soluciones a los grandes desafíos económicos, sociales y medioambientales. La ciencia tamién constrúi paz, fomentando la cooperación internacional y ayudando a algamar un futuru sostenible para toos.
Averar la ciencia a la sociedá ye clave por que les persones cunten coles conocencies necesaries para decidir llibremente’l so camín —yá sía profesional, personal o políticu— y para espertar l’interés pel fascinante mundu de la investigación.
Cada añu, esti día recuérdanos la importancia de tar informaos sobro les meyores científiques, promover sociedaes sostenibles y entender la fraxilidá del nuesu planeta.
La UNESCO convida a toos gobiernos, medios, escueles y ciudadanía— a participar nesta xornada entamando actividaes que celebren la ciencia como motor de paz y desenvolvimientu.
La ciencia xúnenos, inspíranos y empónnos escontra un futuru más xustu y sostenible.
