A partir del llunes el tiempu va camudar por completu. Pero, enagora, entá se preven intervalos nublos de nubes medies y altes polo xeneral. La probabilidá de precipitaciones va ser baxa con, a lo sumo, dellos bastios débiles nel cordal y, mientres la tarde, nun se refuguen tamién delles precipitaciones aisllaes nel sector occidental. Les temperatures máximes van baxar llixeramente nel occidente y van caltenese nel restu, ente que les mínimes van baxar solo nel oriente.
Dende primer hora del llunes el tiempu va ser dafechu distintu. Cólase la umbada que tuvo afectándonos toos estos díes tras, y agora va entrar un fluxu de vientos de norte-nordés que va dexar precipitaciones en tol Principáu, pudiendo ser de nieve a partir de los 1800 metros pela tarde y de los 1500 o 1600 metros pela nueche.
El martes va ser xuna xornada estable que va dar pasu a un miércoles nel que va aprucir de llenu xuna masa d’aire frío d’orixe árticu. Si les previsiones cúmplense, van esbarrumbase les temperatures y prevese nieve a partir de los 700/800 metros.
