👤🔵 La figura de la Pitufina xigante de la Pola yá llegó al so destín, na zona del accesu a la capital sierense pela Autovía Minera per La Ferrera.
- Va en chándal, al ser una deportista (karateca)
- Pesa unos 800 quilos y tien unos cuatro metros d’altor.
- Ta fecha de poliestireno –un polímeru plásticu–, qu’anubre una cadarma de metal.
- Una capa de resina protéxela del esterior.
- Na so fabricación tardóse alredor d’un mes y mediu.
«Bienveníos a La Pola», lléese nel cartelu xuntu al personaxe, que s’amuesa n’actitú atacante, pero con una sorrisa pícara. Ye unu de los mensaxes que quier llanzase con esta pose. Esplicólo l’alcalde de Siero, Cepi: «Queríamos que fora una muyer, un chisgo contra la violencia machista, n’una actitú valiente, ‘curiáu, que podemos protexer y defender, y nun vamos callar’»
Criticóse que nun tuviera relación dalguna cola cultura tradicional, amás de pol so costu, 35.000 euros.
El Conceyu de Siero robló en 2023 colos propietarios de la marca de Los Pitufos un conveniu de collaboración para llevar a cabu remanes de sensibilización y concienciación de los Oxetivos de Desenvolvimientu Sostenible de les Naciones Xuníes. Véronique Culliford, presidenta fundadora de Los Pitufos, y fía de Peyo, el so ceador, suscribió personalmente’l conveniu con una visita al Conceyu de Siero.
