Dos mineros perdieron la vida, el corazón d’esta tierra pesa un pocu más.
El nuesu ciñu y respetu para les sos families y para tolos sos compañeros.
Tamos con vós. 🖤🕯️
Barbón vuelve a Asturies pol accidente na mina de Veiga de Rengos. Dos trabayadores morrieron esti vienres nun accidente dientro d’una mina soterraña de Cangas del Narcea, nel suroccidente asturianu, por un argayu de material, ocho meses dempués de qu’otros cinco mineros morrieren en Zarréu por un españíu de gas grisú.
L’accidente, del que se dio avisu a les 16:58, foi nel nivel 2 d’una esplotación minera soterraña asitiada na zona de Veiga de Rengos, a un kilómetru y mediu de la entrada y por «un fundimientu del tarrén», según fueron detallando fontes del Gobiernu asturianu, del 112, de la Guardia Civil y de la Delegación del Gobiernu.
Al llugar del accidente, asitiáu a más de cien kilómetros d’Uviéu, nel suroccidente asturianu, fueron bien llueu los Bomberos del Serviciu d’Emerxencies del Principáu d’Asturies (SEPA) nun helicópteru medicalizáu y la Brigada de Salvamentu Mineru d’Hunosa n’otru helicópteru multifunción, asina como axentes de la Guardia Civil y personal médico.
Los equipos d’emerxencia qu’entraron dientro de la esplotación, xestionada pola empresa TYC Narcea, nun tardaron n’alcontrar los cuerpos de los trabayadores, afitando la so muerte los servicios médicos.
“La hestoria d’Asturies nun esiste ensin la mina”🖤⚒️ DEP los dos mineros fallecíos en Cangas del Narcea. Nun lo esistió nunca.
Y tampocu podemos olvidar que hai quien sigue baxando cada día, y quien espera fuera con esa mezcla de rutina y mieu que solo entiende quien vivió esto de cerca. https://www.instagram.com/piedresnelcamin
