Sotres atrái a decenes de visitantes con espesures de nieve percima de los 30 centímetros. TPA
La carretera d’accesu a l’aldega cabraliega ta transitable pola quitanieves.
Más de 30 centímetros de nieve atropáronse na aldega cabraliega de Sotres los tres últimos díes. La ivernada dio güei una tregua con temperatures ente los cuatro y los cinco graos, polo que munchos visitantes esfrutaron de la nieve na aldega más elevada de la contorna oriental asturiana.
La carretera d’accesu a Sotres tuvo estenada de nieve tola xornada de güei gracies a la quitanieve, pero los conductores tuvieron que circular col máximu procuru pola presencia de xelu na calzada d’accesu a esti pueblu de los Picos d’Europa.
Sotres convirtióse güei nun paraísu ivernizu de los Picos d’Europa nel que los visitantes aprovecharon la ocasión pa facer rutes con raquetes pela redolada d’El H.itu d’Escarandi, ente Asturies y Cantabria.
