https://www.animavoices.com/ El coru de neños y mozos Ánima Voices gana presencia nel panorama internacional. TPA
Los menores participarán en Manchester nel mayor coru del mundu, con 10.000 miembros.
Una trentena d’artistes mozos lleven dos años y mediu siendo protagonistes d’un coru únicu n’Asturies. ‘Ánima Voices’ cunta con miembros de toa Asturies, d’ente ocho y 14 años. Un proyectu multidisciplinar de voces blanques qu’amiesta la música y la danza, pero tamién el componente audiovisual.
Un coru qu’afrontará otra vuelta en febreru ser l’únicu d’España en participar nel eventu internacional ‘Young Voices’. El coru infantil más grande del mundu, onde 10.000 neños daránse cita en Mánchester nun macroconciertu únicu.
L’añu pasáu yá tuvieron la oportunidá de participar nel eventu de Londres.
Un eventu internacional de grandes dimensiones pero equí, en casa, lleven meses enllenando escenarios. Conciertos solidarios, eventos festivos. Apúntense a too. Ye la pasión d’un grupu d’artistes mui dinámicu. Un coru qu’evoluciona col pasu de los meses al qu’entren nuevos miembros constantemente.
Artistes nun coru que cada vegada ye más internacional.
info@animavoices.com +34684717278
Somos un coru de voces blanques, qu’axunta a neños y neñes d’especial talentu. Nacemos coles mires de fomentar y desenvolver el talentu musical y artístico de los nuesos integrantes so parámetros profesionales. animAVoices pretende ser una formación conectada a los nuesos tiempos y un proyectu artísticu multidisciplinar (interpretación escénica, desenvolvimientu audiovisual, fotografía, imaxe, diseñu y comunicación, son aspeutos qu’anguaño van amestaos al fechu artísticu y conformen l’actividá cotidiana del coru). Amás, el fomentu de valores positivos y solidarios faen d’animAVoices muncho más qu’una simple agrupación musical.
Nel corazón d’animAVoices, cada nota ye un reflexu de l’amistá que nos xune. Los nuesos valores son les pilastres d’esta comunidá: l’amistá que nos fai más fuertes, la creatividá que nos impulsa a esquizar nuevos horizontes y la busca incesante de la excelencia que nos motiva a superanos costantemente. N’animAVoices, cada ensayu ye un viaxe onde los suaños y les pasiones enxaréyense, creando un espaciu seguru y arriquecedor.
Non yá formamos parte d’un coru, sinón tamién d’una familia na que cada voz tien el so llugar. Con nós, vas afayar que la música non solo escúchase, sinón que se siente, tresforma y xune. ¡Ye maraviyosu ser parte d’esta formosa esperiencia!
