Esperamos una xornada nubosa mientres tol día. Estes nubes van dexar precipitaciones que van poder ser localmente moderaes y que van tar presentes tantu pela mañana como pela tarde. La cota de nieve va rondar los 1200/1300 metros a lo llargo de too el martes. Les temperatures máximes van baxar hasta 4 o 5 ºC nel terciu sur asturianu, hasta 2 o 3 ºC nel restu del interior, y bien llixeramente na mariña. Les mínimes van ser bien similares a les del llunes o, sía que non, un pocu más baxes en zones del centru del Principáu. Los vientos van soplar de noroeste con raches moderaes.
El miércoles preve un tiempu más estable anque entá van predominar les nubes, anque podríen acabar abrise claros a la fin. Les precipitaciones van ser menos probables pero nun se refuga que puedan escapase sele, sobremanera nel oriente y pela mañana.
Les temperatures máximes van xubir llixeramente nel interior y van caltenese na mariña. Les mínimes nun van esperimentar cambeos importantes. Los vientos van ser fluexos y variables.
El xueves va ser una xornada estable na que van predominar los grandes claros y les máximes van empezar a xubir.
