Esperamos una xornada estable en tol Principáu d’Asturies. Los cielos van tar pocu nublos con, a lo sumo, intervalos de nubes altes ensin importancia. La probabilidá de precipitaciones va ser nula. Los vientos van ser fluexos y variables. Les temperatures máximes van xubir de forma xeneralizada. Dichu ascensu va ser d’hasta 3 o 4 ºC nel cordal y d’unos 2 ºC nel restu de la rexón. Les mínimes van baxar de forma significativa nel suroccidente y, sía que non, en dellos puntos del mariniegu centru-oriental. Nel restu d’Asturies van caltenese ensin cambeos respecto al miércoles.
El vienres vamos empezar tamién con estabilidá’l día pero, a lo llargo de la tarde, vamos reparar ciertu enclín a aumentar la nubosidá, sobremanera na metá norte asturiana. Nun se refuga que pueda acabase escapando dalguna gota na mariña y zones próximes. Los vientos van siguir siendo fluexos. Les temperatures apenes van esperimentar cambeos.
El sábadu va llover en tola Comunidá Autónoma a partir de la tarde y la cota de nieve va acabar asitiándose sobre los 1300 metros.
Na madrugada del domingu va poder nevar a partir de los 1000 o 1100 metros. El domingu va ser un día tamién inestable anque, posiblemente, tienda a unviar el mal tiempu a la fin de la xornada.
