Llanes, el conceyu más turísticu d’Asturies, pega un estirón: el so plan d’ordenación va dexar construyir 5.862 nueves viviendes. El testu, que va ser lleváu a Plenu n’unos díes, contempla 2.173 cases en suelos urbanos, 354 n’urbanizables y 3.335 nos núcleos rurales del conceyu. LNE
L’equipu de gobiernu de Llanes confía en que 2026 sía l’añu de l’aprobación definitiva del Plan Xeneral d’Ordenación (PGO), llamáu a rexir l’urbanismu nel conceyu mientres los próximos diez años.
Xusto tamién un deceniu cumplirá l’añu próximu del momentu nel qu’un equipu de gobiernu encabezáu pol actual alcalde, Enrique Riestra (Vecinos per Llanes), acompañáu entós por PP, Foru ya IX, empecipió la redacción del documentu. Un documentu que, dempués de múltiples vaivenes y non poques diatribes polítiques, entá ten de ser sometíu nes próximes selmanes a una nueva aprobación plenaria, para ser unviáu de siguío a la Comisión d’Urbanismu y Ordenación del Territoriu d’Asturies (CUOTA), a la que pertenez el sí definitivu al PGO… o la so devolución al Conceyu si repara dalguna irregularidá sustantiva.
