- Alborecemos col cielu empuercáu per dalguna nube alta ya con unes temperatures que tan alrodiu de los 2ºC, rexistrándose nel puirtu Payares 2,8ºC.
- Güei vamos tener intervalos de nubes medies y altes que sedrán más abondoses pela tarde y na fastera ocidental. Al final del día un frente poco activu pue dexanos dalguna precipitación feble, sobre too nel oeste d’Asturies y cordelera que sedrá de nieve perriba de los 1500 m. con unes temperatures másimes n’ascensu ya col aire que sedrá sele ya variable pa dir soplando gallegu al finar la xornada y dir coyendo fuercia.
- Mañana martes vamos tener vientu gallegu que mos apurrirá dalgo de nubosidá na fastera surocidental, amás vendrá acompangada de precipitaciones febles per esa fastera, siendo poco probables nel restu y de nieve perriba de los 1200m con unes temperatures másimes en descensu ya col aire gallegu que pue soplar con dalguna racha fuerte na costa ya en zones altes.
- El miércoles templará dalgo pela tarde ya tendremos intervalos nubosos pero sin malpenes precipitaciones con vientu gallegu que seguirá siendo molestu na costa y zones altes.
- El xueves hai tovía munches duldes pero paez que podríemos tener precipitaciones moderaes de la mano d’un frente fríu ya un descensu de les temperatures que fadría que surda la nieve perriba de los 1000-1200m pero esto yá lo veremos nun hai unanimidá ente los modelos meteorolóxicos.
