- Alborecemos col cielu poco nuboso na fastera central asturiana ya con nubosidá na surocidental y cordelera con unes temperatures que tan alrodiu de los 7ºC, rexistrándose nel puirtu Payares 0,1ºC.
- Güei la nubosidá más abondosa va tar na cordelera y fastera surocidental onde tedrán precipitaciones febles en xeneral que sedrán de nieve perriba de los 1400m. Nel restu sedrán poco probables y de dase pela tarde. Les temperatures camudarán poco o descenderán nes zones de montaña. L’aire sedrá gallegu con dalguna racha fuerte en zones del llitoral ya en puntos de montaña.
- Mañana miércoles vamos tener un día mui asemeyáu con intervalos nubosos que sedrán más abondosos na cordelera y fastera surocidental onde seguirá nevando perriba de los 1400m, nel restu les precipitaciones sedrán mui poco probables. Les temperatures van mantenese fríes y l’aire gallegu soplará con más fuercia.
- El xueves un nuevo frente barrerá asturies de oeste a este dexando al soo pasu precipitaciones de calter moderáu, amás dexará nevaes perriba de los 1600m anicialmente, pa baxar hasta los 1400m a lu llargu la mañana. L’aire gallegu seguirá soplando con fuercia en zones altes y llitoral.
- Paez que la fin de selmana va a templar abondo por mor del vientu ábrigu y nun s’eperen malpenes precipitaciones pero esto yá lu diremos viendo.
