El 13% del alumnáu recibe un sofitu educativu especial. El porcentaxe va n’aumentu y l’inclusión reivindícase como principiu irrenunciable. ¿Ta preparáu’l sistema para garantizar que naide se quede tras? Esta nueche, a les 21:45, en #TPA Asturies Semanal.
‘Asturies Selmanal’ aborda si’l sistema educativu pue garantizar aules inclusives.
L’alumnáu asturiano con necesidaes educatives especiales sigue en medría y llega al 5%.
Mientres la matrícula escolar sigue a la baxa, el númberu d’estudiantes con dalguna necesidá educativa especial sigue en medría. Esti sábadu, ‘Asturies Selmanal’ aborda una cuestión clave: si’l sistema educativu tien los recursos pa garantizar aules inclusives.
El 5% del alumnáu asturiano presenta necesidaes de sofitu educativu, lo que supón un total de 6.557 estudiantes nesti cursu.
La conseyera d’Educación del Principáu, Eva Ledo, esplica que tenemos enagora’l pactu ‘Asturies Educa’ que ta contemplando recursos que se necesiten pa llevar alantre esa atención y esa rempuesta que nos tán demandando los centros educativos.
El profesor eméritu de Psicoloxía Evolutiva de la Universidá Autónoma de Madrid Gerardo Echeita respuende que les alministraciones ensiguida quieren pone-y el calificativu d’inclusivu a munches de les sos polítiques pero llueu, de facto, vemos munchísimes debilidaes.
La profesora d’Audición y Lenguaje del CP El Pascón en Tinéu, Andrea Francos, esplica cómo a vegaes al alumnáu, a les families con necesidá específica de sofitu educativu, tenemos que recomendar que vayan a un sofitu esternu fuera del aula porque nun ye abondo. Nunca nun llegamos a poder da-yos l’atención que necesiten al 100%.
Per parte de so, la profesora del IES Bernaldo de Quirós en Mieres, Verónica Iglesias, afirma que’l profesoráu necesita la formación, la realidá ye que tamién ye un tema de númberu y de dineru. Necesítense profesores de refuerzu col alumnáu de necesidaes y ye un tema de númberos.
