- Alborecemos col cielu nuboso, vientu ábrigu y temperatures altes, alrodiu de los 18ºC, rexistrándose nel puirtu Payares 3,8ºC.
- Güei vamos tener el cielu mui nuboso pero sin malpenes precipitaciones, sicasí na fastera surocidental puen dase con mayor probabilidá con unes temperatures que van seguir siendo altes ya col vientu ábrigu que pue soplar con raches mui fuertes pela mañana, pa dir perdiendo fuelle a lu llargu la tarde.
- Mañana miércoles vamos tener un descensu moderáu de les temperatures que vendrá acompangáu de precipitaciones , durante’l riscar y l’alborada pa dir abriéndose grandes claros o abancios a partir del mediudía y dexanos una tardiquina soleyera y seliquina.
- El xueves va tar con intervalos nubosos ya coles temperatures que siguen baxando, sobre too les mínimes. L’aire sedrá sele ya variable y esti día nun s’esperen precipitaciones.
- El vienres cola llegada d’una vaguada atlántica los xarabatos van xeneralizaes y les temperatures descenderán con una cota de nieve que va tar perriba de los 1500-1800m, les precipitaciones van tener calter moderáu y podrán ser persistentes.
- Paez que’l restu de la fin de selmana va ser seliquino pero esto yá lu diremos viendo.
