L’Acuariu de Xixón va celebrar el so 20 aniversariu con visites empuestes de baldre, para cualquier persona con tarxeta ciudadana, mientres tou 2026. L’equipamientu de Poniente prepara una programación especial pola efeméride que va incluyir esposiciones, actividaes nel percorríu y propuestes especiales con un gran actu’l 10 de xunu. WEB ACUARIO
Va esplicase nel so momentu la forma d’apuntase no que ye una iniciativa que pretende que «la ciudadanía pueda redescubrir un recursu que ye so y forma parte esencial de la ciudá».
Les tarifes actuales para la entrada diaria son de 21 euros para la franxa d’edá de 15 a 64 años (xeneral), 12,50 euros para la franxa de 3 a 14 años (infantil) y de 13,50 euros para mayores de 65 (senior), magar ye verdá que yá s’apliquen importantes descuentos cola tarxeta ciudadana.
La celebración de la efeméride va incluyir esposiciones, actividaes nel percorríu y otres propuestes especiales, amás d’un gran actu d’aniversariu nes instalaciones de Poniente que va tener llugar el 10 de xunu.
Tamién se dio a conocer el logo del 20 aniversariu, qu’inclúi una tortúa, en referencia al centru de recuperación d’estos animales marinos nel Acuariu (el CRAMA), y una aleta de tiburón que ye un chisgo a los escualos ‘Currín’ y ‘Elisa’ de la colección propia.
González-Palacios y Beneit presentaron esta mañana nel Conceyu la nueva campaña del Pase Añal B!, el carné de sociu que, un añu más, va siguir siendo gratis para los neños asturianos. Al actu allegaron los alumnos de quintu de Primaria del Colexo Rei Pelayo.
