Un estudiu del Serida y l’Universidá revela l’impactu de la fauna montesa nel control de les plagues y na sostenibilidá de los frutales. El proyectu BatBirdFruit estudia los efectos que producen aves, esperteyos y arañes en plantíos de mazanes y arándanos. Actualidá
#Serida, Un estudiu del Serviciu Rexonal d’Investigación y Desenvolvimientu Agroalimentario Serida, y l’Universidá d’Uviéu revela l’impactu de la fauna montesa nel control de les plagues y na sostenibilidá de los frutales asturianos.
El proyectu #BatBirdFruit estudia los efectos que producen aves, esperteyos y arañes en plantíos de mazanes y arándanos. La investigación analiza los efectos positivos y apurre información para apangar los daños que causen dellos animales. 
https://goo.su/vYMKaPPUna investigación liderada pol Serviciu Rexonal d’Investigación y Desenvolvimientu Agroalimentario (Serida) y l’Universidá d’Uviéu destaca’l papel fundamental que desempeñen les aves, los esperteyos y les arañes na sostenibilidá del cultivu de mazanes y arándanos n’Asturies. El proyectu analizó los efectos beneficiosos y los posibles impactos non deseyaos qu’estos animales monteses xeneren en distintos plantíos para establecer pautes de manexu que favorezan la biodiversidá y ameyoren la sostenibilidá de los sistemes agrícoles.
L’estudiu, desenvueltu pol programa de Fruticultura del Serida y el Departamentu de Bioloxía d’Organismos y Sistemes de la Universidá, enmarcase nel Llaboratoriu de Biodiversidá y Servicios Ecosistémicos (BesLAB). El proyectu tuvo lideráu por Marcos Miñarro, investigador del Serida, y Daniel García, catedráticu d’Ecoloxía, con financiamientu de l’Axencia Estatal d’Investigación.
L’equipu estudió cómo los animales monteses ayuden a controlar les plagues de forma natural (serviciu ecosistémico), y tamién cómo, en dellos casos, pueden xenerar efectos ensin deseyar (diservicios ecosistémicos), como comese los frutos o interferir con otros depredadores beneficiosos (por casu, aves que s’alimenten d’arañes que controlen plagues).
Para llevar a cabu’l trabayu, realizáronse censos d’aves y esperteyos, muestreos d’arañes y d’insectos plaga, analís molecular de la dieta a partir de restos fecales y esperimentos nos que s’escluyeron ciertos animales de los cultivos. Tou ello, “dexó conocer con más detalle les relaciones ente la fauna montesa y los cultivos, apurriendo información pervalible pa fomentar una agricultura más respetuosa col mediu ambiente”.
Esti estudiu reveló la gran diversidá d’aves, esperteyos y arañes qu’habiten nos cultivos de pumar y arándanu n’Asturies. Estes comunidaes animales, que la so composición varia según el paisaxe qu’arrodia los cultivos, desempeñen funciones importantes na producción agrícola.
Miñarro esplicó que determinaes especies d’aves, esperteyos y arañes “resulten especialmente beneficioses pa los llabradores, yá que ayuden a amenorgar la presencia de plagues de forma natural”. Gracies a esti control biolóxicu, puede menguase l’usu de productos fitosanitarios, lo que supon xuna doble ventaya: menor costu pal productor y menor impactu ambiental. Por casu, “comprobóse que los esperteyos peracaben hasta 191 especies distintes de plagues agrícoles, y que les especies d’ave más abondoses son tamién les que más contribúin al control de plagues”, añedió l’investigador.
Sicasí, tamién s’identificaron efectos negativos. Delles especies de vertebraos, como’l mierlu o’l xabalín, pueden alimentase directamente de los arándanos y causar daños nos cultivos. El proyectu foi capaz d’identificar estos efectos negativos, lo qu’abre la puerta a nueves estratexes de manexu p’apangar los daños qu’estos animales puedan causar ensin comprometer los beneficios del control biolóxicu.
