Asturies ve l’axudicación de les cuotes pesqueres «positiva en parte». Aumenta un 8% la pesca de l’anchoa y el bocarte nel Cantábricu pa 2026.
El Conseyu de la Xunión Europea alcordó esta madrugada les cuotes pesqueres pal añu que vien. La noticia más importante pal Cantábricu ye qu’aumenta un 8% la pesca de l’anchoa y el bocarte.
Amás, caltiénense les de la merluza, el pixín y el chicharru. Baxa, pela cueta, el tope de captures pal abadexu, el gallu y el llinguáu.
La mayor estorbisa foi la xarda: la cuota cai un 90% por descensu de la especie anque entá hai negociaciones pendientes con Noruega, Islandia y Islles Feroe. Establecióse una cuota provisional del 70% que’l ministeriu va negociar coles comunidaes afectaes.
