- Alborecemos con nubes ya claros o abancios ya con unes temperatures que tan alrodiu de los 5ºC nel interior y sobre los 11ºC na costa por mor del vientu que ta soplando con raches fuertes per esa fastera, rexistrándose nel puirtu Payares 1,5ºC.
- Güei vamos tener el cielu nuboso cola posibilidá de precipitaciones al finar el día pero lo más destacáu sedrá l’aire ábrigu que va soplar con fuercia nel llitoral y zones altes faciendo que temple abondu l’ambiente polo que les temperatures va subir moderadamente.
- Mañana vienres l’aire va dir rolando a componente noroeste y mos apurrirá un descensu de les temperatures, amás vendrá acompangáu de precipitaciones moderaes a partir del mediudía que puen ser persistentes nes zones de montaña, onde nevará perriba de los 1000m. L’aire seguirá soplando con fuercia anque tenderá amenorgar al finar el día.
- El sábadu tenderá a abrise dellos claros o abancios y remitirán les precipitaciones, amás l’aire sedrá sele ya variable anque les temperatures van seguir siendo baxes dexándonos un ambien fríu ya ivernal.
- El domingu pali que pali va dir templando l’ambiente con una subida bultable de les temperatures al mediudía por mor de la llegada de vientu ábrigu y el cielu va tar nuboso.
- La selmana viniente van cruzados dellos frentes atlánticos que mos dexarán precipitaciones y nieve na cordelera pero esto yá lu diremos viendo.
