Adrián (33 años), apicultor nos montes asturianos: “Los osos son los mios vecinos, esto ye una redolada selvaxe”. El mozu asturianu recuperó la tradición familiar nel monte de Muniellos para faer miel cargao d’hestoria metanes la naturaleza. Imaxe / El Español / https://floreziendo.com/
El miel d’Adrián llámase Floreziendo y capta la esencia del fondu Monte de Muniellos, onde les sos abeyes trabayen protexíes por un cortín. Esta interesada construcción torga que los osos pardos de los montes d’Asturies coman los setos d’abeyes que producen esti mestranzu ámbare.
Protexer los sos truébanos nuna redolada selvaxe. El cortín ye una construcción circular de piedra típica del suroccidente d’Asturies diseñada para protexer les abeyes de los osos. Adrián restauró manualmente un muriu de mampostería de más de dos metros d’altor que pertenecía a la so familia para volver fabricar el miel.
Na parte cimera asitia «beiras», planches de cayuela totalmente llises. «Ye l’últimu elementu de protección frente al osu. Si l’osu consigue engatar, les lloses tán sueltes, entós cuando echa la gazapa enriba cáyense-y enriba. Al faer ruiu asústase y vase», esplica Adrián.
Adrián define’l so trabayu como ‘apicultura heroica’: «Tamos nuna redolada bien selvaxe, bien malo de producir y forma parte del xuegu. L’osu ta nel so sitiu y nós tamién, somos vecinos y tenemos qu’intentar entendenos de la meyor manera posible».
Tres un periodu d’estrés por intentar aumentar la producción, decidió volver a un ritmu más natural. Para él, qu’un osu destruyera dellos truébanos foi un mensaxe de la naturaleza para nun saltase etapes y recordar qu’el so oxetivu principal ye esfrutar del procesu y de la redolada.
Adrián, l’apicultor selvaxe
Para Adrián, perpetuar el legáu familiar nun ye solo una elección llaboral, sinón una misión vital amestada a la so identidá, a la so felicidá y al respetu polos sos raigaños. «Para mi, Muniellos ye’l sitiu onde más a gustu toi, más feliz soi y más puedo ser yo mesmu», asegura l’apicultor.
El mozu asturianu cumplió’l suañu del so padre, quien siempres tuvo en mente comercializar el miel so una marca, pero nun pudo faelo. Agora Adrián asume esi oficiu qu’el so padre y el so güelu defendieron mientres décades col logo del cortín que lleva Floreziendo.
Na so páxina web floreziendo.com ufierten una esperiencia completa pa introducise nel corazón del Monte de Muniellos. Dexa conocer Valdebois, visitar el cortín familiar onde se fai’l miel, averase a les abeyes y catar el preciáu miel artesanal.
El miel de Muniellos naz del uz (brezo), la castañal y el carbayu (roble). El so sabor ye intensu y equilibráu, con notes amaderaes y arume floral, montesa y con una testura sedosa y persistencia en boca.
Puede mercase en formatos de 1.000, 500 o 100 gramos, a la vienta en Valdebois.
