Naz L’Arena Music Experience, un festival frente al mar . Beret, Despistáivos, Bely Basate, Depol, Noan y Retales son los primeres artistes confirmaos d’un cartelu que se va llevar a cabu del 24 al 26 de xunetu. El Comercio
Trés díes de música xuntu al mar. Ye la propuesta cola que’l festival va llegar a la localidá sotobarquense del 24 al 26 de xunetu de 2026.
La organización yá avanzó dalgunos de los nomes que van componer el cartelu d’artistes. Depol, Noan, Bely Basate, Despistáivos, Retales, Beret, David Oteru y Lady Ma Belle son, enagora, los artistes que van enllenar de música la escampada frente a la rula.
«Va Ser un alcuentru únicu, con artistes que van faer hestoria y con tola enerxía de la nuesa comunidá. La música, sablera y maxa de San Juan de L’Arena xúnense para crear un festival con alma», aseguren los organizadores de la cita que les sos entraes tán a puntu de salir a la vienta.
A lo llargo d’avientu los promotores fueron anunciando al traviés de redes sociales una iniciativa que busca poner nel mapa a la localidá y al conceyu y que foi creada «cola xente d’equí por que lo vivamos toos».
Magar el cartelu completu nun s’anunció enagora, lo que sí se conoz son les actuaciones del primer día. El vienres 24 de xunetu va arrincar la cita de la mano de Depol, Noan, Bely Basate y Despistáivos. La banda conforma unu de los grandes cabeza de cartelu y va tar en L’Arena para cantar les temes que marcaron a toa una xeneración, según los nuevos cantares.
A otru día Beret va xubise al escenariu par interpretar nueves temes. «Les sos lletres lleguen directu, la so enerxía sobro l’escenariu y esos himnos que toos cantemos dalguna vegada van faer que San Juan de L’Arena cimble como nunca antes», afirmen los organizadores.
El festival, amás, va collaborar cola asociación Deporte vs Cáncer Infantil y va destinar 50 céntimos de cada entrada pa sofitar el so llabor porque «xuntos la música y la solidaridá faen que la esperiencia sía entá más grande».
Les entraes tán a la vienta en Ticket Master y na páxina web del festival y los precios van dende los 30 a los 80 euros.
