El desconocíu pueblu d’Asturies con más obres d’arte qu’habitantes: Villaoril

El desconocíu pueblu d’Asturies con más obres d’arte qu’habitantes: el destín perfectu para afayar esti iviernu Escondíu ente montes y silencios, esti enclave del conceyu d’Ibias tresformóse nun muséu al campu gracies a una vecina con vocación artística, amor polo cotidiano y fondo conexón cola so tierra. Huffintong Post / IG / El Confidencial

www.artemariadelroxo.com
#eraseunavezvillaoril
#ibias
#ibiasellejanooeste
#artecomunitario
#proyectodeartecomunitario
#mariadelroxo
#arterural

Villaoril, una pequena aldega nel conceyu d’Ibias, convirtióse nun inesperáu destín d’iviernu gracies a un proyectu artísticu qu’enllenó les sos cases de murales rurales y escultures que rinden homenaxe a los sos vecinos. Con solu dolce habitantes y más obres que persones censaes, esti rincón d’Asturies ye yá un muséu al campu en plenu monte.

A güeyu, l’aldega paez otra más del occidente asturianu, colos sos teyaos de cayuela negra, horros tradicionales y un silenciu apenes rotu pol vientu. Pero al percorrer les sos cais, lo qu’apaez en puertes, ventanes y fachaes sospriende inclusive al visitante más sollerte: semeyes realistes, escenes doméstiques y figures humanes que paecen formar parte del paisaxe. L’autora d’estes intervenciones ye María del Roxo, una artista con raigaños nel pueblu que tresformó Villaoril nun escenariu artísticu únicu.

Murales que cunten hestories. Tou empezó en 2008, cuando l’artista decidió enguapecer el llateral d’un garaxe con un mural dedicáu a los sos padres y otros vecinos. Años dempués, la so iniciativa tomó forma como proyectu colectivu sol títulu Érase una vegada en Villaoril. De magar, pintó a muyeres barriendo, paisanos aprucíos a puertes partíes o neñes que reparen dende una falsa ventana, integrando la memoria viva del llugar con un estilu íntimo y respetuoso.

Les obres nun busquen l’impactu de los grandes murales urbanos, sinón una integración natural na arquitectura local. Trátase  d’intervenciones pequenes, realizaes sobro madera o directamente nos murios, siempres utilizando materiales sostenibles. L’oxetivu nun ye solo atraer turismu rural, sinón faer que l’aldega caltenga la so alma habitada, inclusive mientres los fríos meses d’iviernu.

Arte, tradición y naturaleza n’Ibias

Villaoril forma parte del conceyu d’Ibias, una zona poco transitada, pero rica en cultura, hestoria y paisaxes. Esti enclave fronterizu con Galicia y Llión foi territoriu aurífero del Imperiu romanu y caltien elementos etnográficos únicos, como les palloces, les muertes de la cultura cunqueira o los viñeos d’altu monte. Amás, parte del so territoriu pertenez a la Reserva de la Biosfera Fuentes del Narcea, Degaña y Ibias.

Les rutes de senderismu, como la del Dolmen de Seroiro o l’Escobiu de Bustelín, sumense al curiosu cultural qu’agora ufierta Villaoril. Anque l’accesu nun ye inmediatu —dos hores dende Uviéu pola CL-626—, el pagu ye un viaxe al corazón d’un pueblu que supo reinventase dende la so propia memoria. Y fízolo con pinceles, puertes abiertes y arte fechu a escala humana.

La intervención convirtió a Villaoril nun destín ivernizu alternativu. A tan solo dos hores aprosimao d’Uviéu pola CL-626, el pueblu ufierta una visita que combina patrimoniu etnográficu, arte y naturaleza. El conceyu d’Ibias, fronterizu con Galicia y Llión, forma parte de la contorna incluyida na Reserva de la Biosfera Fuentes del Narcea, Degaña y Ibias, polo que tamién ufierta un territoriu de gran riqueza natural y cultural para conocer.

Para los impulsores del proyectu, la meta nun ye tantu convertir Villaoril nun reclamu masivu, sinón caltener la so alma habitada”, esto ye, que les obres acompañen la vida diaria, calteniendo puertes abiertes y conversaciones ente quien siguen viviendo ellí y quien lleguen de visita. La resultancia ye un pueblu que supo reinventar la so propia memoria con pinceles y manos locales. Tou un muséu pequenu, fechu a la midida de los sos vecinos.