Vamos tar afectaos pel radiu d’acción d’una umbada alcontrada nes Isles Britániques y que se va dir averando a lo llargo de la fin de selmana. Comoquier, en llínees xenerales yá podemos adelantrar que nun nos espera una recta final de selmana especialmente inestable. Ello ye que esti vienres ye probable que sía’l día que más precipitaciones se rexistren y asina tou van ser débiles. Estes agües van entrar pel oeste y van movese escontra l’oriente conforme vaiga avanzando la xornada. La cota de nieve va rondar los 900 metros aprosimao polo que nun se refuguen nevaes de calter débil en zones de monte. Los vientos van ser fluexos polo xeneral y les temperatures van baxar bien llixeramente nel casu de les máximes (1 o 2 ºC a lo sumo), y de forma daqué más significativa nel casu de les mínimes (hasta 4 ºC menos qu’esti xueves). Tocantes a la mar, vamos tar mientres tol día n’avisu mariellu por foles d’hasta 4 o 5 metros d’altor.
El sábadu, a pesar de que la umbada va averándose, esperamos xuna mañana con grandes claros nel cielu. Sía que non, podría reparase ciertu enclín a aumentar les nubes a la fin y nun se refuga dalgún bastiu con nieve a partir de los 800 metros. Les temperatures máximes van caltenese y les mínimes van siguir baxando. Vamos Siguir n’avisu mariellu mientres tol sábadu por foles d’hai
