- Alborecemos col cielu cubiertu y delles precipitaciones con unes temperatures que tan alrodiu de los 9ºC, rexistrándose nel puirtu Payares 1,4ºC.
- Güei vamos tener el cielu cubiertu con precipitaciones a primeres y últimes hores con apertura de dellos claros o abancios al mediudía. Les temperatures en moderáu descensu y la cota de nieve dirá baxando hasta los 700m al finar el día. L’aire sedrá gallegu con dalguna racha moderada en zones altes ya en puntos del llitoral.
- Mañana miércoles vamos tener el cielu nuboso con precipitaciones na fastera surocidental y cordelera que sedrán de nieve perriba de los 1000m nel restu sedrán poco probables anque l’ambiente va caltenese ivernal con unes temperatures que van camudar poco.
- El xueves ya vienres l’aire ábrigu dirá coyendo fuercia faciendo que suban bultablemente les temperatures nes zones llanes, quedando atrapáu l’aire fríu nes montañes onde seguirá nevando en cotes medies-altes y paez que de cara al sábadu tornarán a descender les temperatures asina como la cota de nieve pero esto yá lu diremos viendo.
