Esperamos cielos nublos polo xeneral pero con escasa inestabilidá. Anque va haber momentos nos que les precipitaciones puedan faer actu de presencia, en llínees xenerales nun van ser frecuentes y, nin tanto, abondoses. Ello ye que a la fin del día acabarán abriéndose grandes claros. La cota de nieve va asitiar sobro los 900 metros de primeres de la mañana y va acabar baxando hasta los 600 metros. Pero ye importante aprofiar nuevamente que nun va ser un día marcáu poles precipitaciones. Tocantes a los vientos, van soplar d’oeste-suroeste con raches moderaes. Nun se preven intervalos bien fuertes mientres el día, siendo les raches más fuertes sía que non na mariña pero que nun van algamar los 80 km/h.
Les temperatures máximes van baxar nel occidente ente 2 y 3 ºC respectu al llunes, y van producise un descensu bien llixeru nel restu. Nel casu de les mínimes el descensu va ser xeneralizáu y significativu. Van Tener llugar a la fin del día cuando se abrir grandes claros nel cielu y van ser unos 3 o 4 ºC menos.
El miércoles volverá predominar la nubosidad con precipitaciones más frecuentes pela mañana y que van poder dexar nieve a partir de los 600 o 700 metros, tendiendo a xubir a lo llargo del día. La inestabilidá va ser menos probable pela tarde. Les temperatures máximes van baxar ente que les mínimes apenes van variar.
