Una páxina con más secciones, más información y más directos. RTPA estrena mañana web, con una nueva imaxe pa faer una páxina más cenciella, más moderna y accesible. Ye una web con más secciones, más información y más directos.
El pasáu añu, la páxina de RTPA foi la segunda que más aumentó los sos usuarios únicos de toles televisiones autonómiques, hasta llegar a los 2.227.000 usuarios únicos.
La web presenta una meyor navegación pa poder atopar el conteníu que más nos pruya con facilidá, con entraes más cencielles a les emisiones del momentu en televisión y radio.
José Braña, director de Medios Dixitales de RTPA, destaca l’espaciu pa les noticies y accesu tamién a les informaciones rellacionaes con aquello que teamos lleendo, viendo o escuchando.
Otra novedá ye la posibilidá de tar al tantu de les resultancies y clasificaciones deportives.
Va haber más directos y estos van poder vese amás nes distintes canales de RTPA en redes sociales.
La web asoléyase en castellán, pero bien llueu va tener la so versión n’asturianu.
