El Principáu refuerza la formación docente n’Axenda 2030 con recursos didácticos para actuar énte la crisis climática. La dirección xeneral de Juan Ponte distribuyi 640 exemplares de temática ecoloxista nos cuatro Centros del Profesoráu y de Recursos (CPR) del Principáu. Actualidá/ Calendariu Ecosocial: WEB / apartáu recursos. / Calendario en asturiano 25-26Descarga/ Acceso al Calendario Ecosocial en diferentes lenguas
Red de Centros de Información y Documentación Ambiental (RECIDA)/ Documentos
El Gobiernu d’Asturies refuerza la formación del profesoráu n’Axenda 2030 con recursos didácticos para actuar énte la crisis climática. La Dirección Xeneral d’Axenda 2030 distribuyó 640 llibros especializaos n’ecoloxía y pensamientu ecoloxista ente los cuatro Centros del Profesoráu y de Recursos (CPR) del Principáu: Avilés‑Occidente, Cuenques Mineres, Xixón y Uviéu. L’oxetivu pasa por dotar al personal docente de ferramientes qu’ayuden a liderar la transición a una sociedá más sostenible.
La iniciativa, coordinada cola Conseyería d’Educación, da respuesta a la llei orgánica LOMLOE, qu’establez que tol profesoráu tien de cuntar con formación nos valores de la sostenibilidá. Pal director xeneral d’Axenda 2030, Juan Ponte, esti procesu rique un sofitu material de les instituciones: “Nesti departamentu adquirimos los exemplares pa reforzar la educación ambiental y cumplir el requisitu de la llei educativa; pa ello ye necesariu distribuyir recursos”.
Ponte sorrayó que la formación en sostenibilidá social, ecolóxica y económica “ye un tou indivisible” y xuna prioridá nel contestu global actual. Al respective de la urxencia d’estes midíes pa garantizar un planeta habitable, foi tayante: “Vivimos una situación de planeta translimitado, na que se tán superando les llendes del calentamientu global y de la acidificación de los océanos, con una desregulación de los ciclos del nitróxenu y del fósforu, perda de biodiversidá y deforestación”.
Énte esta realidá, defendió la educación como puntu de partida pa construyir comunidaes resilientes. “Tou esto ponnos en guardia y llámanos a actuar non mañana, sinón yá, equí y agora. Esa ye la conseña, la meta y l’orientación que siguimos dende l’Axenda 2030 por que naide quede tras, porque naide ye más que naide”, sorrayó.
Calendariu RECIDA 2026 –
Díes ambientales internacionales y ODS
Como otros años, la nuesa compañera Chelo Pons, Consultora, Bibliotecaria xubilada de la UV, Miembru de RECIDA, del grupu ODS-UV y de la Rede RIPO ufiértanos esti útil Calendariu RECIDA 2026, colos Díes ambientales internacionales sobro mediu ambiente, colos ODS rellacionaos.
