Siguimos con unes condiciones meteorolóxiques bien similares a les d’estos últimos díes, con predominiu de vientos de suroeste que van ser fuertes en puntos del occidente, nel cordal y tamién n’a la mariña. Concretamente, en zones altes de la cordal esperen raches que podríen algamar los 100 km/h mientres la primer metá del día. Nel occidente podrán superase los 80 km/h. Na mariña les raches máximes van rondar los 60 o 70 km/h. Nel restu los vientos van ser más moderaes anque significativos igualmente.
En cuanto al estáu de los cielos, la nubosidá va concentrase sobremanera escontra’l sur y escontra l’occidente onde les precipitaciones van ser más frecuentes. Asina tou, nun se refuga qu’en momentos puntuales mientres la xornada pueda escapase dalguna gota pol restu del Principáu, sobremanera pela mañana. A lo llargo de la tarde la probabilidá de precipitaciones va ser menor y, amás, vamos reparar que se van dir abriendo claros nel cielu, especialmente na mariña. Les temperatures máximes van ser bien similares ente que les mínimes van xubir de forma xeneralizada ente 2 y 3 ºC más. A lo último, ye importante destacar l’avisu mariellu na mar a partir de les 20:00 hores de la tarde por foles d’hasta 5 metros d’altor.
