Aumenten n’Asturies los delitos venceyaos al usu de redes sociales por menores. Los psicólogos consideren imprescindible acutar les redes sociales. RTPA
Los psicólogos consideren imprescindible acutar les redes sociales.
Munchos de los casos que se denuncien na fiscalía de menores, como acoso, amenaces, engarradielles o espardimientu de semeyes íntimes, vense amplificaos pol usu de les redes sociales para espublizalos. Una práctica que foi n’aumentu nos últimos añu. En 2025, les cifres, asegura’l fiscal de menores, siguieron creciendo apunta Jorge Fernández Caldevilla, fiscal delegáu de Menores d’Asturies.
Esmolez tamién la vulneración que se ta faciendo de la protección a la intimidá de los menores en cuestiones qu’afecten a la sexualidá.
Dende la fiscalía consideren afecha la prohibición de les redes a los menores de 16 pero sorrayen la importancia de garantizar el so cumplimientu, porque agora, que ta establecíu en 14 años, ta frayándose.
La Fiscalía d’Asturies punxo en marcha charres nos colexos ya institutos para concenciar sobro les consecuencies penales de determinaos comportamientos y l’usu de les redes sociales.
Los psicólogos consideren imprescindible acutar les redes sociales. Los psicólogos tamién consideren imprescindible acutar les redes sociales. Son conscientes, dicen, de la connotación negativa que tien la prohibición pero señalen que, énte la falta d’otru métodu, prohibir merez la pena pa garantizar la estabilidá emocional de los menores.
Los usuarios nunca van ser sancionaos
Opiniones variaes sobro l’anunciu de Pedro Sánchez de prohibir l’accesu a redes sociales a menores de 16 años. Australia ye l’únicu país con una llei vixente nesti ámbitu. El so gobiernu prohibe a los menores de 16 años l’accesu a redes sociales dende’l pasáu avientu. Yá se bloquiaron más de 4 millones de cuentes según el gobiernu australianu. Son perfiles en redes como Threads, Tik Tok o Instagram, sicasí nun afecta a otres como Whatsapp, Roblox o Messenger.
¿Y cómo llogren bloquiales? Les plataformes tán obligaes a implementar sistemes de verificación d’edá, incluyendo documentos d’identidá o reconocencia facial. Pa ello usen ferramientes proporcionaes pola IA. Y hai xuna clave que coincide cola propuesta española: la responsabilidá ye de les empreses. Son elles les que tienen de desactivar les cuentes de menores de 16 años y bloquiar la creación de nueves. Incumplilo supon multes d’hasta 32 millones de dólares. Los usuarios nunca van ser sancionaos.
