El consumu d’electricidá n’Asturies baxó un 0,9% en 2025 y el de gas xubió un 36,3%.
El consumu d’electricidá n’Asturies menguó l’añu pasáu un 0,9 por cientu, hasta 7.817,4 xigavatios/hora (Xw/h), mientres que’l de gas natural disparóse un 36,3 por cientu, hasta 13.057 Xw/h, impulsáu pola mayor actividá de les centrales de ciclu combináu.
Según los datos asoleyaos pola Sociedá Asturiana d’Estudios Económicos y Industriales (Sadei), la mengua del consumu eléctricu foi por mor de la fuerza industrial y otros usos, que rexistró una baxada del 1,3 por cientu, hasta 6.473,5 Xw/h, mientres que’l correspondiente al consumu domésticu medró un 1,1 por cientu, hasta 1.343,8 Xw/h.
La mengua del consumu eléctricu nel añu pasáu contrasta cola medría del 3 por cientu rexistráu en 2024, y que foi dempués de qu’en 2023 hubiere un mínimu dende 2020.
