National Geographic / Les 10 semeyes del añu premiaes polos Sony World Photography Awards. Un foín árticu, una nueva amiga de la so vaca y otres imaxes qu’amuesen con qué s’inspiraron los fotógrafos de too el mundu en 2025.
Per decimonovenu añu consecutivu, los Sony World Photography Awards reconocen les meyores fotografíes del añu. Escoyíes ente más de 430.000 imaxes procedentes de participantes de 200 países distintos, estes son les diez ganadores de les categoríes y agora finalistes del premiu máximu, el Concursu Open.
L’anunciu y la ceremonia d’entrega van ser el 16 d’abril de 2026 en Londres y les imaxes van quedar espuestes dende a otru día hasta’l 4 de mayu de 2026
1 / 10 El foín árticu Na categoría Natural World & Wildlife», la semeya ganadora foi la d’esti foín azul del Árticu (Vulpes lagopus) metanes una ventisca. La pelame escura, qu’en realidá ye más abuxáu qu’azul, déxa-y sobrevivir meyor al fríu. La semeya foi prindada pol alemán Klaus Hellmich na península de Varager en Noruega.
2 / 10 La rutina de branu Na categoría «Lifestyle», la fotógrafa Vanta Coda foi premiada pola semeya de Charlotte y Dolly, una moza y la so vaca, que fuelguen tranquilamente nuna tarde de branu en Virginia Occidental, Estaos Xuníos. La imaxe tresmite la fonda conexón ente dambes, como quien comparten el so día davezu.
3 / 10 Caos entamáu «Abare» significa «caos» o «polveru». Esactamente eso ye lo que tresmite la fotografía de Megumi Murakami, ganadora de la categoría «Travel». El xaponés prindó xuna fotografía nel animáu Festival d’Abare, onde los homes salten al ríu y encienden antorches como parte d’un ritual de purificación. El festival tien más de 300 años na rexón de Noto.
4 / 10 Paisaxe desértico. El fotógrafu J. Fritz Rumpf lleva años prindando formes y patrones de distintes característiques. Esta vegada foi galardonáu por esta composición xeométrica na que resalten los colores templaos y amuésase el paisaxe del desiertu. La fotografía foi prindada nes dunes de Sossusvlei en Namibia y ganadora de la categoría «Landscape».
5 / 10 Vulcanólogu autodidacta Philip ye un científicu de volcanes autodidacta de reconocencia internacional. La so imaxe tresmite la pasión pola investigación científica. Na semeya d’Elle Leontiev (Australia), ganador de la categoría «Portraiture» vese descalzu y enriba d’una bomba de roca volcánica na isla de Tanna, Vanuatu.
6 / 10 Distintes reacciones Nun sabemos qué taba reparando esta familia, pero la fotógrafa italiana Giulia Pissagroia prindó’l momentu esactu en que cada unu de los integrantes d’esta familia tien xuna espresión distinta na so cara. La fotografía ganadora de la categoría «Street Photography» foi prindada en Ørnevegen (Eagle Road), Noruega.
7 / 10 Contraste A los colores vivos d’estes dos cases de Ciudá del Cabu, en Suráfrica, añedióse un coche azul aparcáu xusto na metá. El contraste foi prindáu por Robby Ogilvie (Reinu Uníu), ganador de la categoría «Object».
8 / 10 Contaminación La fotografía ganadora de la categoría «Architecture» correspuende a Markus Naarttijärvi, un suecu que tamién xugó colos contrastes, pero con una intención distinta. Nesta fábrica de papel de la localidá d’Obbola resalten les solombres, el formigón, les nubes y n’escura nueche d’iviernu.
9 / 10 Ensin esperanza Les muyeres n’Irán movilizarense mientres selmanes contra’l ayatolá Jamenei en 2025 y, como xestu simbólicu, quitáronse’l velu. Les manifestaciones fueron violentamente reprimíes pol gobiernu. Nesta imaxe ganadora de la categoría «Creative», Siavosh Ejlali homenaxó la so llucha con una semeya escenificado y el globu de corazón al meyor estilu Banksy.
10 / 10 En movimientu Con una fotografía desenfocada nun conciertu punk, Franklin Littlefield (Estaos Xuníos) foi reconocíu ganador de la categoría «Motion». El xuráu valoró la captura del dinamismu del momentu.
