ℹ️ El 21 de febreru celébrase’l Día Internacional del Idioma Maternu col oxetivu de promover el multillingüismu y la diversidá cultural. Testu de Mª Xosé
🗺️ Esti Día Internacional del Idioma Maternu celébresa gracies a Bangladesh. La fecha ye significativa nesi país: el 21 de febreru de 1952, morrieron tres persones nuna manifestación que pidía que la so llingua materna, el Bangla, fuera reconocida pol Estáu.
En 1999 la UNESCO declarólu’l Día Internacional de la Llingua Materna. Anque foi Bangladesh el país qu’unvió formalmente la propuesta a esta institución, la idea surdió en Canadá, d’una organización llamada Amantes de la Llingua Materna del Mundu formada por diez falantes d’inglés, kutchi, cantonés, alemán, filipinu, bengalí y hindú. Ellos ficieron el pidimientu primeru pero la UNESCO informólos de que namás podía venir de dalgún país miembru pa ser tenida en cuenta. Entós, esta organización informó per teléfonu al Ministru d’Educación de Bangladesh, qu’al empar avisó al Primer Ministru, que lu autorizó a mandar la propuesta nel intre.
🤔 Ye un bon día pa reflexonar sobre’l papel que cada persona podemos cumplir nel respetu y espardimientu de les llingües, entamando pola nuestra, l’asturianu.
Axuntámosvos equí la OCA del Día del Idioma Maternu y dalgo d’información
