Esti xueves entá se preven raches fuertes de primeres pero, col intre de la xornada, los vientos van dir abocanando. En cuanto al estáu de los cielos, prevese abondosu nubosidá de primeres con precipitaciones que podríen afectar a cualquier puntu, pero van dir unviando a lo llargo de la tarde. Ello ye que el día va acabar con cielos poco nublos. La cota de nieve va tar en redol a los 700 o 800 metros a primer hora de la mañana, con enclín a xubir hasta los 1100 metros a mediudía.
AEMET entá va caltener l’avisu mariellu nel suroccidente y nel cordal hasta’l mediudía por nevaes. Na mar va tar activáu l’avisu naranxa por foles d’hasta 7 metros hasta les 22 hores de la nueche na mariña occidental y hasta medianueche na oriental. Les temperatures van baxar de forma xeneralizada nel casu de les máximes y van caltenese ensin cambeos importantes les mínimes. Bon tiempu a partir del vienres gracies a la presencia d’altes presiones. Nun se van esperar más agües hasta’l miércoles de la selmana que vien. Amás, les temperatures van empezar a recuperase mientres estos díes.
