Para esti sábadu depáranos cielos nublos polo xeneral, anque va tender a abrise grandes claros a la fin. A lo llargo del día nun se refuga dalgún orbayu irregularmente partíu, pero va ser d’escasa importancia nel casu de dase. Los vientos van ser fluexos y variables. Les temperatures máximes van baxar llixeramente ente 1 y 2 ºC al respective de les del vienres, siendo na mariña más occidental onde se preve un descensu daqué más significativu. Les temperatures mínimes van baxar de forma xeneralizada un par de graos.
El domingu vamos tener abondo meyor tiempu con intervalos de nubes medies y altes a lo sumo, y con momentos tamién d’escamplaes nel cielu. La probabilidá de precipitaciones nel casu de mañana va ser nula. Amás, les temperatures máximes van esperimentar un ascensu importante. Van xubir hasta 6 ºC más en tol interior en comparanza coles que vaigamos rexistrar el sábadu. Na mariña tamién van xubir anque va ser difícil que xuban más de 3 o 4 ºC. Les mínimes, sicasí, van baxar llixeramente y nun s’esperen xelaes débiles nel cordal. Los vientos van ser fluexos anque van aumentar la so intensidá pela tarde nel sur del Principáu.
