Esperamos un día bien inestable a pesar de que va empezar con cielos pocu nublos. Rápido, a lo llargo de la mañana, la nubosidá va dir aumentando hasta acabar cubriendo tol cielu. Antes del mediudía yá esperamos delles precipitaciones nel estremu occidental, y mientres les primeres hores de la tarde, les agües van llegar a tol occidente y mitad sur asturiana. En plena tarde les precipitaciones yá van ser xeneralizaes y van aumentar la so intensidá. A partir de les 18:00 hores l’Axencia Estatal de Meteoroloxía va activar l’avisu mariellu por fuertes precipitaciones (hasta 40 llitros per metro cuadráu en 12 hores) en tol Principáu salvu nel suroccidente. AVISOS
Estes agües van ser persistentes mientres el tramu final del xueves. La cota de nieve va empezar sobre los 1600/1800 metros coles primeres precipitaciones, pero va acabar asitiada sobre los 1200 metros a medianueche. Amás, a última hora va activase l’avisu mariellu por foles d’hasta 5 metros d’altor que va siguir mientres la madrugada. Tocantes a les temperatures, van baxar de forma bien significativa en tola rexón nel casu de les máximes. Les mínimes van caltenese.
El vienres vamos siguir con inestabilidá.
