- Fundación Oso Pardo
Vídeo: FOP / 
Edición y sonido: Carlos de Hita
La vida d’una familia d’osos empieza nel interior d’una inaccesible cueva que la osa preñada acondiciona para envernar y parir d’unu a trés esbardos, escasamente cuatro. Cuando nacen en xineru pesen 350-400 g y son pocu mayores qu’unu aguarón.
Los cachorros nacen ciegos y casi ensin pelo, son incapaces de termorregularse y, si la osa fuera obligada a abandonar la osera, morreríen de fríu en pocos minutos. Abren los güeyos al mes d’edá y yá caminen antes de cumplir los dos meses.
Permanecen na osera unos cuatro meses alimentándose nos trés pares de tetillas funcionales de la so madre, que producen una lleche bien enerxético, con un 33% de materia graso, casi 10 vegaes más que la humana. La salida de la osera suel ser un procesu gradual qu’asocede n’abril o en mayu, cuando los esbardos pesen en redol a los 5 kg.
Nun ye nada habitual que la cama que faen con yerbes y ramillas recoyíes pela redolada de les oseres, tea tan cerca de la boca como vemos nel vídeu, y non nel interior de la cueva.
Esti fechu singular dexónos faer un siguimientu d’una osa colos sos dos esbardos dende los primeros díes de febreru, cuando los pequeños apenes teníen unes selmanes de vida, hasta qu’a mediaos d’abril abandonaron la contorna de la cueva p’alimentase y esquizar otros llugares.
Observaciones que se realizaron siempres a una distancia abonda. Esta familia d’osos cantábricos, enseñónos enforma sobre les relaciones de la osa colos sos esbardos dientro la osera, y sobre les sos interacciones, nun periodu tan críticu, con otra fauna y con delles actividaes humanes non bien alloñaes… y tamién nos apurrió imaxes intenses, tienres y bien formoses que nos recordaron por qué tenemos que siguir trabayando, a comuña col territoriu, por que el osu cantábricu allóñese definitivamente del peligru d’estinción.
