La igualdá énte la llei entá nun ye una realidá pa les muyeres y les neñes. Como anticipu del #DíaDeLaMujer, el 8 de marzu, llamamos l’atención sobro una fienda que sigue afectando la vida de millones de persones: la desigualdá nos sistemes de xusticia. A nivel mundial, les muyeres solo gocien del 64% de los derechos llegales que tienen los homes, según los datos más recién de la ONU.
Esta fienda afecta tolos aspeutos de la vida:
- En más de la metá de los países, les lleis sobro violación nun se basen nel consentimientu
- Abargana de 3 de cada 4 países dexen el matrimoniu infantil
- El 44% de los países nun garantiza igual salariu por igual trabayo
- Munches muyeres enfrenten torgues pa tener bienes, divorciase, tresmitir la nacionalidá o trabayar llibremente
Anque se llograron meyores, les lleis por sí soles nun basten. L’estigma, el mieu y les instituciones débiles siguen torgando que munches muyeres apuerten a la xusticia. Coles mesmes, aumenten nueves formes de violencia, como l’abusu dixital y la violencia sexual rellacionada colos conflictos. El #DíaDeLaMujer recuérdanos qu’entá queda enforma por faer: defender los derechos de toles muyeres y neñes y avanzar escontra sociedaes más xustes pa toos.
