Vamos amanecer con delles nubes baxes polo xeneral pero abrirán escamplaes mientres la mañana. Un mayor protagonismu del sol va consiguir que les temperatures máximes xuban de forma bien importante en tol Principáu. Concretamente, hasta 5 o 6 ºC van xubir en tol interior, y de forma daqué más moderada na mariña. Les mínimes, sicasí, van esperimentar un descensu sobremanera nel suroccidente y nel cordal, pero tamién n’otros munchos puntos del interior anque non de forma tan significativa.
Mientres la segunda parte del día la nubosidá va dir aumentando y nun se refuga que pueda escapase dalgún bastiu, con mayor probabilidá, nel sur d’Asturies. A última hora del día les nubes van ser muncho más compactes y van cubrir tol cielu, dexando precipitaciones que van entrar pol occidente y van afectar a otros sectores mientres la madrugada.
El llunes esperamos la llegada d’un frente fríu polo que vamos tener aseguraes precipitaciones xeneralizaes, sobremanera a partir del mediudía. Les temperatures van baxar y la cota de nieve va asitiase sobro los 1000/1200 metros d’altor. Meyor tiempu a partir del martes pero, a más llargu plazu, tou apunta a una fin de selmana inestable.
