Esperamos una xornada bien inestable n’Asturies debíu al pasu d’un frente fríu. Les precipitaciones van dir de menos a más conforme meyora’l llunes, pero se van xeneralizar especialmente a partir del mediudía. Prevense más de 10 llitros per metro cuadráu na mayoría de poblaciones asturianes, inclusive va haber zones nes que superen los 20 llitros per metro cuadráu.
Tocantes a la cota de nieve, va empezar sobre los 1500 metros pero va dir baxando hasta los 1000 metros mientres la segunda parte de la xornada. L’Axencia Estatal de Meteoroloxía va activar nel cordal l’avisu mariellu al mediudía por nevaes significatives a partir de los 1000/1200 metros d’altor. Esti avisu va enllargase hasta les 6 hores de la mañana del martes.
Como ye d’esperar, les temperatures máximes van baxar güei llunes hasta 5 o 6 ºC al respective de les anotaes el domingu. Los vientos van ser fluexos, pudiendo predominar d’oeste pela tarde con dalguna qu’otra racha moderada sía que non na mariña.
El martes, anque nun se refuga dalguna precipitación débil, va ser un día muncho más estable nel que, amás, van xubir les temperatures gracies a una mayor presencia del sol.
