Vamos encarar una xornada muncho más estable. Vamos amanecer con abondosa nubosidá, pero rápido van abrise grandes claros en munchos puntos de la rexón. Asina tou, a lo llargo de la segunda parte del día prevese que les nubes vuelvan apaecer, especialmente nel interior. Comoquier, la probabilidá de precipitaciones va ser nula y los vientos van ser fluexos y variables. Les temperatures máximes van xubir hasta 5 o 6 ºC nel interior y hasta 3 o 4 ºC na mariña. Les mínimes apenes van variar.
El miércoles van volver les agües. Nun van ser tan cuantiosas como les del llunes, pero sí que podríen afectar a cualquier población asturiana. La culpa d’esta inestabilidá tener el pasu d’un frente fríu pocu activu mientres la mañana. Los vientos van predominar de componente oeste y la cota de nieve va rondar los 1900/2000 metros d’altor.
Bon tiempu para’l xueves y para la mañana del vienres.
Pero a partir de la tarde del vienres prevese un descensu térmicu significativu acompañáu d’abondoses precipitaciones.
El sábadu va ser un día lluviosu con nieve a partir de los 1000 metros.
