FanMedia Con xunirá n’Uviéu a creadores de conteníu con 102 millones de siguidores.
La cita, que foi presentada esti martes, amestará nes tres xornaes gaming, espardimientu, cultura ‘geek’ y pop, cine, música, arte y gastronomía nel «mayor alcuentru de cultura dixital y fan celebráu hasta agora n’España», según los sos organizadores.
L’espardimientu ocupará un llugar central dientro de la programación cola participación de Doctor Fisión, una de les cuentes d’espardimientu científicu n’español más siguíes del mundu, con más de 10 millones de siguidores; y Lechero Fett, espardedor especializáu n’actualidá y historia con cuasi 3,5 millones de siguidores.
Tamién participarán El Cubil de Peter, canal centráu n’espardimientu históricu y militar con cerca de 1,2 millones de siguidores; The Valkyries Vigil, historiadora y espardedora especializada en cultura nórdica y vikinga con cuasi 140.000 siguidores; y SizeMatters, referente n’espardimientu científicu y nanotecnoloxía, conocíu por venceyar ciencia y universos ‘geek’.
