Vamos amanecer con estabilidad pero a lo llargo de la mañana vamos reparar la entrada de nubes dende l’occidente que se va dir estendiendo por tola rexón. Un frente fríu va crucianos a mediudía y va dexar al so pasu precipitaciones partíes pol Principáu. Pela tarde va entrar una nueva llínea d’inestabilidá que va suponer la llegada d’una nueva masa de precipitaciones. Les temperatures máximes van baxar nel cuadrante suroccidental d’Asturies, van xubir na mariña oriental y van caltenese ensin cambeos nel restu. Les mínimes apenes van variar respectu al xueves. Tocantes a la cota de nieve, va baxar hasta los 1400 o 1500 metros pela tarde y va asitiase en redol a los 1200 metros a medianueche.
Un frente dirá moviéndose pol noroeste de la Península, lo que va dar orixe a delles precipitaciones débiles nesi cuadrante, más abondosos en Galicia y Asturies, estendiéndose depués al restu del Cantábricu y a los Pirineos. Va nevar nos cordales Cantábrica, Ibérica y Pirenaica.
El sábadu va ser un día cargáu de nubes y abondoses precipitaciones que van dexar nieve a partir de los 900 metros d’altor. Nel casu de mañana les temperatures máximes sí que van baxar de forma notable y xeneralizada (hasta 6 o 7 ºC menos que les que s’anoten güei). La AEMET va activar güei vienres a la 21h l’avisu por nevaes nel cordal y nel suroccidente. Esti avisu va caltenese mañana sábadu.
