Va ser un día gris con abondosa nubosidá y precipitaciones xeneralizaes que van ser más abondoses nel centru y nel oriente asturianu, anque tamién van afectar al sector occidental. Estes precipitaciones van ser en forma de nieve a partir de los 1000 metros con enclín a xubir hasta los 1200 metros a lo llargo del sábadu. Nun se refuga la posibilidá de dalgún esbarrumbe puntual sobro los 900 metros a primer hora de la mañana. Los vientos van soplar d’oeste con raches moderaes pudiendo afitase de noroeste a la fin anque perdiendo intensidá.
Les temperatures máximes van baxar en tol Principáu. Concretamente, van baxar más de 8 ºC al respective de esti vienres nel oriente, más de 6 ºC nel centru y hasta 4 o 5 ºC nel occidente. Les temperatures mínimes apenes van variar, pero sía que non podríen baxar llixeramente en Picos d’Europa, y producise dalgún cobarde ascensu na zona central asturiana. D’esta forma, va ser raru que puedan superase los 11 o 12 ºC en dalguna población nel día de güei.
El domingu entá vamos amanecer con precipitaciones, pero van tender a unviar a lo llargo de la mañana a pesar de siguir los cielos nublos. Les temperatures van xubir.
Recuerda que l’Axencia Estatal de Meteoroloxía preve para güei fenómenos adversos n’Asturies. Fenómenos costeros en tol mariniegu. Nivel mariellu a partir de les 12:00. Nevaes en Suroccidente, zona del cordal y Picos d’Europa. Nivel mariellu a partir de les 21:00. Estrema los precuros y evita riesgos innecesarios. Sigue los encamientos de seguridá y consulta los avisos vixentes en https://goo.su/IlnXI
