La umbada Therese sigue enllancada nel Atlánticu al oeste de les mariñes portugueses y eso trai unes condiciones meteorolóxiques estables para Asturies en llínees xenerales. Los vientos nel interior, sobremanera nel cordal, van ser de componente sur y eso ayuda a que les temperatures sían relativamente prestoses. Con éses los cielos van tar pocu nublos o estenos pela mañana con, a lo sumo, delles gurrianes na mariña que se van estenar a lo llargo de la mañana. Pela tarde nun se refuguen intervalos de nubes medies y altes nel interior. Los vientos, como dicíamos, van soplar de sur nel cordal y, nel casu de la mariña, van afitar de componente esti especialmente a partir de la tarde. Les temperatures máximes hasta 3 o 4 ºC nel terciu occidental y van caltenese ensin cambeos respecto al miércoles nel restu. Les mínimes podríen esperimentar descensos llixeros de forma local.
El vienres tamién vamos encarar otru día estable con intervalos de nubes medies y altes que, nel casu de mañana, podríen dexar dellos bastios aisllaos pela tarde en zones montascoses. Les temperatures máximes van ser similares a les de güei y les mínimes van xubir llixeramente.
